Бугун, 2026 йил 23 июнь куни Ўзбекистон телекоммуникация тармоқларини бошқариш республика маркази ҳамда Киберхавфсизлик маркази ўртасида ҳамкорлик бўйича муҳим келишув имзоланди. 

Келишувнинг моҳияти нимада? Ҳужжат бир нечта асосий йўналишлар бўйича ўзаро ҳамкорликни ривожлантиришни кўзда тутади. Биринчи навбатда, томонлар долзарб кибер таҳдидларни аниқлаш ва таҳлил қилиш, шунингдек, телекоммуникация инфратузилмасидаги ҳодисаларга тезкор муносабат билдириш механизмларини такомиллаштириш масалаларида кучларни бирлаштирадилар. Эндиликда иккала идора аниқланган киберҳодисалар ва долзарб таҳдидлар тўғрисида маълумот алмашиб боради. 

Бу Ўзбекистон ИТ-соҳасига нима беради?

Ушбу ташаббус Телекоммуникация тармоқларини бошқариш марказининг рақамли хизматлари ва ИТ-ечимларини ҳимоя қилиш ҳамда хавфсизлигини таъминлашга қаратилган. Идораларимиз ушбу йўналишда ҳамкорликда иш олиб боради. Шунингдек, соҳанинг кадрлар салоҳиятини янада ривожлантириш мақсадида киберхавфсизлик бўйича кучли экспертларни тайёрлаш учун мунтазам равишда амалий тренинглар ва семинарлар ўтказишни режалаштирганмиз,

— дея таъкидлаб ўтишди Телекоммуникация тармоқларини бошқариш марказида. 

Биз рақамли хизматлардан тобора кўпроқ фойдаланмоқдамиз ва бундай қадамлар туфайли интернетдаги фаолиятимиз янада хавфсизроқ бўлиб бормоқда!