may 23 2024
E‘lon!

Texnik topshiriqqa muvofiq axborot tizimini joriy etish imkoniyati mavjud tashkilotlar o‘z takliflarini d.maksumov@rtmc.uz elektron pochta manziliga 2024-yil 2-iyun kuniga qadar yuborilishi so‘raladi.

Texnik topshiriq ilova qilinadi.

may 21 2024
Futzal bo'yicha aloqa sohasi kubogi musobaqasi

Joriy yilning 20-25 may kunlari O'zbekiston Respublikasi Raqamli texnologiyalari vazirligi hamda O'zbekiston axborot texnologiyalari va ommaviy kommunikatsiya xodimlari kasaba uyushmasi Respublika kengashining soha xodimlari o’rtasida futzal bo'yicha ko'chma kubogi o'tkazilmoqda.

Mazkur ko’chma kubogida “O‘zTTBRM” DUK tomonidan TBM futbol jamoasi ham ishtirok etmoqda.

may 20 2024
“O‘zTTBRM” DUK mutahasislari Baku shahriga bo‘lib o‘tgan xalqaro konferensiyada ishtirok etishdi

Joriy yil 12-16 may kunlari Ozarbayjon Respublikasining Baku shahrida mobil telekommunikatsiya tarmoqlarining istiqbollariga qaratilgan “M360 Eurasia” xalqaro konferensiyasi bo‘lib o‘tdi.

Mazkur konferensiya Ozarbayjon Respublikasining raqamli rivojlanish va transport vazirligi va GSM xalqaro assotsiatsiyasi bilan hamkorlikda, mamlakatning yirik mobil aloqa operatori bo‘lgan Azercell bosh homiyligida tashkil etilgan bo‘lib, unda mobil va raqamli maydonda ishtirok etuvchi hududiy va xalqaro ekspertlar, jahonda yetakchi hisoblanuvchi mobil aloqa operatorlari rahbarlari hamda “O‘zTTBRM” DUKning vakillari qatnashdi.

Xalqaro konferentsiya doirasida korxonamiz vakillari 16-may kuni Ozarbayjon Respublikasi raqamli rivojlanish va transport vazirligi huzuridagi “AzInTelecom” MChJ mutaxassislari bilan uchrashdilar va “Subscriber Control”, MNP hamda mobil qurilmalarni ro‘yxatga olish sohalarida o‘zaro tajriba almashinib, tizimlarning ishlash mexanizmi va texnologiyalari bo‘yicha fikrlar almashildi. Tomonlar kelgusida hamkorlik rejalari haqida kelishib oldilar.

may 16 2024
Xorijiy kompaniya vakillari bilan uchrashuv bo‘lib o‘tdi

“O‘zbekiston telekommunikatsiya tarmoqlarini boshqarish respublika markazi” davlat unitar korxonasi binosida "New Skies Satellites B.V. (SES Luxembourg)" kompaniyasi vakillari bilan uchrashuv bo‘lib o‘tdi. 

Uchrashuv chog‘ida telekommunikatsiya tarmoqlarini boshqarish tizimini takomillashtirish bo‘yicha istiqbolli loyihalar muhokama qilindi.

Uchrashuv yakunlari bo‘yicha "New Skies Satellites B.V. (SES Luxembourg)" kompaniyasi vakillari “O‘zbekiston telekommunikatsiya tarmoqlarini boshqarish respublika markazi” davlat unitar korxonasi rahbariyatiga minnatdorchilik bildirib, tashkilot faoliyatini yuqori baholadi.

may 10 2024
O‘quv soati bo‘lib o‘tdi

Zoom platformasi orqali onlayn tarzda o‘tkazilgan mazkur o‘quv soatida korxonaning Mobil qurilmalarni ro‘yxatga olish xizmati boshlig‘i o‘rinbosari  S.To‘raxodjayev O‘zbekiston Respublikasi Vazirlar Maxkamasining 2023-yil 26-oktyabrdagi "O‘zbekiston Respublikasi hududida foydalanilayotgan, sotish yoki shaxsiy foydalanish uchun olib kiriladigan mobil qurilmalarni ro‘yxatga olish tartibini yanada takomillashtirish munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida"gi 563-son qarorining mazmun va mohiyati mavzusida xodimlarga umumiy tushunchalar berib o‘tdi.

Qizg‘in bahs-munozaralarga boy tarzida o‘tgan mazkur o‘quv soati yakunida xodimlar o‘zlari qiziqtirgan savollarga javob olishdi.