Yaqinda ijtimoiy tarmoqlarda “OʼzTTBRM” DUK tomonidan “Oʼzavtosanoat” dileri bilan Malibu 2 avtomobilini xarid qilish boʼyicha tuzilgan shartnoma koʼrsatilgan post muhokama qilindi. Shundan kelib chiqib maʼlum qilamizki,
Oʼzbekiston Respublikasi Prezidentining “Byudjetlararo munosabatlarni va soliq maʼmuriyatchiligini yanada takomillashtirish toʼgʼrisida” 2022 yil 15 apreldagi PQ-208-son qarori qabul qilingan.
Mazkur qarorning 2-bandida Moliya vazirligi tegishli vazirlik, idoralar va mahalliy davlat hokimiyati organlari bilan birgalikda byudjet tizimi byudjetlaridan asosiy vositalarni xarid qilish hamda bino va inshootlarni taʼmirlash bilan bogʼliq xarajatlarni joriy yil yakuniga qadar toʼxtatish (xarid qilish tartib-taomillari boshlangan, shuningdek roʼyxatdan oʼtkazilgan yuridik majburiyatlar bundan mustasno) va ushbu maqsadlar uchun joriy yilda rejalashtirilgan mablagʼlarni qisqartirish yoki 2023 yilga oʼtkazish choralarini koʼrish belgilangan.
Shunga koʼra maʼlum qilamiz-ki, “Oʼzbekiston telekommunikatsiya tarmoqlarini boshqarish respublika markazi” davlat unitar korxonasi mustaqil xoʼjalik yurituvchi subʼekt hisoblanib, korxona byudjetini oʼzi shakllantiradi va yuqorida keltirilgan taqiqlar kiritilishi mumkin boʼlgan korxonalar sirasiga kirmaydi.

"OʼzTTBRM" DUK
Matbuot xizmati

“OʼzTTBRM” DUK Kasaba uyushmasi qoʼmitasi bilan 2022 yilga moʼljallangan oʼzaro xamkorlik va ijtimoiy sheriklik boʼyicha qoʼshma tadbirlar rejasiga muvofiq, joriy yilning 7-8 dekabrь kunlari, togʼ yon bagʼridagi Nilufar dam olish maskaniga chiqish uyushtirildi.
Madaniy va maʼrifiy tadbirlar davrida, korxona xodimlari uchun, sport-sogʼlomlashtirish, maʼnaviy-maʼrifiy hamda koʼngilochar tadbirlari tashkillashtirildi.

“O‘zbekiston telekommunikatsiya tarmoqlarini boshqarish respublika markazi” davlat unitar korxonasi tomonidan Toshkent shag‘ar Yakkasaroy tumani “Belariq” mahalla fuqarolar yig‘ini hududida istiqomat qiluvchi 11 nafar ehtiyojmand nuroniy uchun 2022 yilning 28 noyabr kuni Samarqand shahrining tarixiy va diqqatga sazavor joylariga sayohat uyushtirildi. 

Sayohat yakunida sayyohlarga Samarqand noni va shirinliklari ulashildi.

Bugungi kunda mamlakatimizda olib borilayotgan ochiqlik siyosati iqtisodiyotimizga xorijiy investitsiyalarni jalb etish uchun keng imkoniyatlarni yaratmoqda.
Joriy yilning 23-27 oktabr kunlari Samarqand shahrida bo‘lib o‘tgan “ICTWyek 2022” tadbiri xalqaro hamkorlikni kengaytirish 
va respublikamizga investitsiyalarni jalb qilish imkoniyatlarini yanada kengaytirishga turtki bo‘ldi. 
“ICTWyek 2022” tadbiri doirasida 2022 yil 26 oktabr kuni O‘zbekiston axborot texnologiyalari va telekommunikatsiyalarini rivojlantirish vaziri boshchiligida “O‘zTTBRM” DUK, “LATRO” kompaniyasi (AQSH) rahbarlari o‘rtasida uch tomonlama uchrashuv bo‘lib o‘tib, hamkorlik to‘g‘risidagi o‘zaro memorandum imzolandi.
Uchrashuvda imzolangan memorandum doirasida “O‘zbekiston telekommunikatsiya tarmoqlarini boshqarish respublika markazi” davlat unitar korxonasi va “LATRO FZE” kompaniyasi (Dubay) bilan 29 noyabr kuni “Global technology center” MCHJ qo‘shma korxonasi tashkil etilib, o‘z faoliyatini boshladi.
O‘zbekiston Respublikasi telekommunikatsiya tarmoqlarida xalqaro ovozli trafikni o‘tkazishda qonun hujjatlari talablari buzilganligi holatlarini aniqlash va ular to‘g‘risidagi maʼlumotlarni olish jarayonlarini avtomatlashtirish ishlarini tashkil etishda yangi tashkil etilgan qo‘shma korxona o‘z o‘rnini topishi va “O‘zTTBRM” davlat unitar korxonasi O‘rta Osiyo mamlakatlari orasida ushbu sohada yetakchilik qilishiga rejalar belgilab olindi.

“O‘zTTBRM” DUK
matbuot xizmati

Joriy yilning 6- dekabr kuni “O‘zbekiston telekommunikatsiya tarmoqlarini boshqarish respublika markazi” davlat unitar korxonasida O‘zbekiston Respublikasi Konstitutsiyasi qabul qilinganligining 30 yilligi bayramini o‘zgacha shukuh bilan nishonlash maqsadida  Toshkent Davlat Yuridik Universiteti, Konstitutsiyaviy huquq kafedrasi o‘qituvchisi Qudratullayev Jahongir Zokirjon o‘g‘li ishtirokida “Konstitutsiyaning asosiy prinsiplari” hamda “Konstitutsiyaviy huquqlaringizni bilasizmi?!” mavzulariga bag‘ishlangan davra suhbati bo‘lib o‘tdi.