iyn 01 2024
Malayziya Aloqa vazirligi bilan sohaga oid dolzarb masalalar hamda hamkorlik bo‘yicha tajriba almashildi

Malayziyaning Kuala Lumpur shahrida Raqamli texnologiyalar vaziri o‘rinbosari J. Maxsudov Malayziya Aloqa vaziri o‘rinbosari Teo Niye Ching va Malayziya aloqa va multimedia komissiyasi (MCMC) texnika va monitoring bo‘yicha bosh direktori Ahmad Nasruddin ishtirokida uchrashhuv bo‘lib o‘tdi.

Uchrashuvda vazir o‘rinbosari O‘zbekistonda raqamli texnologiyalar, jumladan, IT sohasini jadal rivojlantirish maqsadida O‘zbekistonda yaratilgan sharoitlar va imtiyozlar, O‘zbekistonda tobora rivojlanib borayotgan xizmatlar autsorsingi salohiyati haqida axborotlar berib o‘tildi.

Tadbirda ikki tomon vakillari telekommunikatsiya infratuzilmasini yanada yaxshilash va sohaga ilg‘or texnologiyalarni joriy etish, sohani rivojlantirish, takomillashtirish va liberallashtirish, mustaqil regulyator organini tashkil etishda Malayziyaning yondashuvi, Malayziyada Aloqa vazirligi, Raqamlashtirish vazirligi va Regulyator o‘rtasidagi munosabatlar qanday yo‘lga qo‘yilganligi hamda shu kabi sohaga oid dolzarb masalalar bo‘yicha tajriba almashildi.

Uchrashuv yakunida Malayziya Aloqa vazirligi va Malayziya aloqa va multimedia komissiyasi (MCMC) vakillari, 2024-yil Sentyabr oyida O‘zbekistonda bo‘lib o‘tishi rejalashtirilayotgan AKT haftaligiga taklif etildi va yuqorida muhokama qilingan masalalar bo‘yicha doimiy fikr almashish va hamkorlik qilishga kelishib oldindi.

may 29 2024
O‘quv soati bo‘lib o‘tdi

Zoom platformasi orqali onlayn tarzda o‘tkazilgan mazkur o‘quv soatida korxonaning mobil qurilmalarni ro‘yxatga olish xizmati yetakchi muxandisi Tuxtaxonov Saidolim mobil qurilmalarni ro‘yxatga olish soxasida boshqa mutasaddi vazirlik va idoralar bilan o‘zaro hamkorlikka qaratilgan chora-tadbirlar mavzusida xodimlarga umumiy tushunchalar berib o‘tdi.

Qizg‘in bahs-munozaralarga boy tarzida o‘tgan mazkur o‘quv soati yakunida xodimlar o‘zlari qiziqtirgan savollarga javob olishdi.

may 29 2024
Dang‘ara tumanida sayyor qabul o‘tkazildi

Joriy yil 27 may kuni Raqamli texnologiyalar vazirligi hamda Prezident xalq qabulxonasi bilan hamkorlikda Farg‘ona viloyati Dang‘ara tumanida, Vazirlik tizimidagi tashkilotlar mas’ullar bilan birgalikda jismoniy va yuridik shaxslar, tadbirkorlik subyektlari, talaba-yoshlar ishtirokida bo‘lib o‘tgan sayyor qabulda “O‘zTTBRM” DUK tomonidan mas’ul mutaxassislar ishtirok etdi

Qabul davomida ishtirok etgan 120 dan ortiq fuqarolar tomonidan telekommunikatsiya xizmatlari, hamda IT-yo‘nalishida o‘zlarini qiynayotgan aniq muammo va masalalar ko‘tarildi hamda AKT texnologiyalari xizmatlari sifatini oshirish bo‘yicha takliflar bildirildi.

Mazkur sayyor qabulda ko‘tarilgan barcha muammo va masalalar yuzasidan soha tizimidagi mas’ul shaxslarga ularni hal etish bo‘yicha topshiriqlar berildi.

may 23 2024
E‘lon!

Texnik topshiriqqa muvofiq axborot tizimini joriy etish imkoniyati mavjud tashkilotlar o‘z takliflarini d.maksumov@rtmc.uz elektron pochta manziliga 2024-yil 2-iyun kuniga qadar yuborilishi so‘raladi.

Texnik topshiriq ilova qilinadi.

may 21 2024
Futzal bo'yicha aloqa sohasi kubogi musobaqasi

Joriy yilning 20-25 may kunlari O'zbekiston Respublikasi Raqamli texnologiyalari vazirligi hamda O'zbekiston axborot texnologiyalari va ommaviy kommunikatsiya xodimlari kasaba uyushmasi Respublika kengashining soha xodimlari o’rtasida futzal bo'yicha ko'chma kubogi o'tkazilmoqda.

Mazkur ko’chma kubogida “O‘zTTBRM” DUK tomonidan TBM futbol jamoasi ham ishtirok etmoqda.